張繼聰感激謝月美栽培

資深演員及配音員謝月美（May姐）上月25日因病離世，終年74歲，昨日在香港殯儀館舉行喪禮，王祖藍夫婦送上花牌，藝人張繼聰、安德尊、李司棋、趙希洛及關寶慧等亦先後抵達靈堂送別。張繼聰指May姐對他照顧有加，就如母親一樣：「未入行做歌手已經識佢，佢好照顧後輩，會鼓勵同畀好多機會我哋。大約20年前同王祖藍啱啱喺演藝畢業，嗰陣未有事業，佢就畀機會我哋跟佢配音，到後來我有機會拍劇，同佢飲茶嗰陣，佢會好開心同埋畀意見我，佢喺我心目中就好似阿媽一樣。」而不少藝人有在電子紀念冊上留言，李司棋大讚May姐是「鐵娘子」，奮鬥經歷媲美《阿信的故事》。