負傷谷劇否認自殘江嘉敏退出3角戀：你們會好好的！

無綫小花江嘉敏昨日在社交網發表分手宣言，同日撐住拐杖現身活動，她解釋因意外而令小腿骨移位及骨裂，但否認為情自殘，當問到分手是否涉第三者，她未有否認，只謂已經過去，現時專注事業。

江嘉敏上月爆出與電競高層男友Anthony分手，更有指男方「偷食」，昨日她於社交網公開寫給前男友的信並標籤為「舊愛」，為3年情正式劃上句號，不過其中一句「你們都會好好的」當中的「你們」，似乎形容Anthony與現任女友，間接默認對方偷食說法。另外，她又上載腳傷的照片，小腿及腳掌均綁上繃帶。

跣低令小腿骨移位

昨日江嘉敏負傷工作，與何廣沛、陳曉華、朱智賢及方紹聰等出席劇集《食腦喪B》記者會，她解釋因發生意外而傷腳：「當時唔係開緊工，係自己唔專心所以跣親，我初時以為好小事，但前日真係痛到忍唔到去睇骨醫，佢話我骨裂同小腿骨歪咗，我後日要開工拍劇，監製知道後話停一日工，再睇我情況點。」但她否認因情傷而自殘，揚言不會做出傷害自己的事。

講到甩拖後心情，她稱現時專注工作：「都過咗去，人係需要向前看，努力工作先。（心情好啲未？）冇乜嘢。（因為第三者而分手？）我要講嘅嘢都喺社交平台講晒。（前男友刪除咗個社交帳戶？）我唔知。（仲有冇聯絡？係咪朋友？）都過咗去。」再問是否準備迎接新一段戀情？會否有陰影？她都只以「努力工作」作回應。

同劇的陳曉華同病相連，她透露之前拍攝節目時受傷令膝頭韌帶撕裂，而對於有網友大爆她與方力申撻着，並以狗公仔傳情，她否認：「絕對冇拍拖！都冇收過公仔。（佢係咪你杯茶？）我係一見鍾情嘅人，仲未遇到呢個人。」