珍妮花露柏絲浸浴被突襲求婚

荷里活女星珍妮花露柏絲（Jennifer Lopez）上周爆出與影星男友賓艾佛力（Ben Affleck）訂婚，並大晒綠寶石鑽戒放閃。前日她在官網再撰文分享求婚細節，自爆男友求婚時，她正在浸泡泡浴！

珍妮花在文中透露：「周六晚，當時我喺地球上最喜愛嘅地方（浸緊泡泡浴），而我嘅美麗愛人單膝跪低並求婚。當時我冷不提防，只望住佢對眼然後同一時間微笑同喊，好努力令自己相信20年後呢個情況竟然再次發生。我簡直無言，然後佢問：『咁係咪願意？』我就話：『係呀，當然係啦！』」

此外，據知賓佬已通知影星前妻珍妮花嘉娜（Jennifer Garner）及子女有關他訂婚一事，珍妮花為他感到高興。