郭偉亮關心拍檔 C君：唔係我負責

方力申拍攝無綫J2台新節目時，間接令拍檔胡美貽受傷，有指歌手郭偉亮（Eric Kwok）亦在場。昨日他受訪時表示：「呢單嘢其實我真係唔係好清楚，其實我全日都喺度，但事發嗰陣我落咗街買嘢5至10分鐘，上返嚟就已經有呢個意外，我都好震驚同關心，不過都唔係好大件事，詳情問番TVB啦，咁樣會好啲。」而J2台創意總監C君表示：「雖然我係個台嘅創意總監，但個台有好多節目，嗰個節目係另一個監製嘅，唔係我負責。（會慰問吓受傷嘅胡美貽？）梗係會啦！」