昔日東方鄧月平抑鬱復發：好多人想我跌番落嚟
女星鄧月平早前拍攝新歌MV，化身AI（人工智能）游走中環Soho區。她藉歌曲抒發情緒，坦言試過工作失意，被不少人「睇死」，一度抑鬱復發！
鄧月平（Larine）近日再推新歌《夜》，唱出3年來發生的事情，希望藉音樂唱出孤獨感，讓有同感的人慰藉心靈：「有段時間覺得好孤獨，搵唔到歌聽，就寫咗呢首孤獨歌，但唔係放負。」
她透露歌詞描述其內心世界：「好多人對我好大期望，不過都有好多人想我跌番落嚟，嗰時年紀細，令抑鬱復發。（首歌講你當時嘅情緒？）係，歌詞『漫漫夜漸成異國』裏面嘅『異國』係日與夜嘅分別，就係當時心境。（依家開心番？）開心咗，感恩塑造你出嚟嘅每個人。」
MV似紀錄片
Larine表示錄歌時經常咬字不清，初時非常擔心，後來醒起自己戴了牙箍，認真蝦碌。MV中共有5個造型，穿越春夏秋冬，以說書人身份講述不同人的感情故事，並邀得林耀聲做男主角，合拍多場喊戲，慶幸導演分開不同時段拍，她才沒有喊到眼腫。其中一個未來「AI平平」一頭銀髮配藍色隱形眼鏡，幾乎認不出她。
她表示：「我哋去中環睇景，8點後Soho區完全冇人，百年難得一見，同首歌講孤獨好夾，將來呢個可能唔止係MV，仲會係一個紀錄片。」拍攝時剛巧下雨更加貼題，但她慘被淋濕，加上連續拍了逾10小時，又遇上途人受傷而延誤拍攝，過程辛苦，但她覺得值得。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
