梁芷珮疫境開旅行社 純粹為興趣

對於無懼疫情投資做旅遊生意，她表示開公司一直是她與老公的心願，2020年已取得牌照，但疫情無間斷，令公司無法運作，白交了2年租：「做主持唔係長遠工作，我哋冇諗過要發大搞，旅遊為興趣，唔係為發達，錢夠使就得。喺克羅地亞就見過有年過70歲嘅女導遊帶團，好羨慕佢。（擔心疫情再有下一波？）唔擔心得咁多，病毒控制唔到。有粉絲知我開公司，話唔介意隔離照去，最激有次要回港隔離14日，都有人肯跟我出發，反而我拒絕，覺得好嘥人哋時間，隔離酒店又唔平。」她坦言會盡量親自帶團，重點到冰島和非洲。