譚俊彥舊照惹驚嚇

憑《愛．回家之開心速遞》飾演「Peter」一角成功入屋的杜大偉，前晚忽然晒出一張冇戴口罩坐Coffee Shop門口的相，當中更見到出爐影帝譚俊彥，加埋戴耀明，3人一枱歎咖啡，即刻令網友擔心他們是否違反2人一枱禁令！原來張相係5年前影，3人當時於內地橫店拍劇，齊齊在Break Time以清裝上陣Tea吓，不過奇怪是身邊路人都未有注意他們，明明清裝歎咖啡如此奇特都冇人理。杜大偉留言自爆甫舊相：「五年前嘅今日，寫意的冇口罩生活～#20170407 #當年今日 #清裝歎咖啡有得諗」。而按眾人一身打扮，似乎係拍攝2018年播出的無綫劇集《天命》。