4大超模神級重聚 Kim即興剝埋一份

Kim前日（4日）在社交網上載其品牌Skims的新廣告，身為老闆娘的她亦有粉墨登場，在廣告中與4大超模Chok甫展示火辣身材！Kim留言自爆本來沒打算亮相，她說：「我原本冇份拍呢輯廣告，只係咁啱過嚟睇睇，然後就加入，因為佢哋實在太有代表性！」

Heidi亦有在社交平台分享廣告照，並留言：「已經有一段時間冇同其他模特兒一齊，今次能夠重聚，感覺好特別。」與她差不多同期出道的Tyra，亦有貼相分享拍攝感受：「當Kim Kardashian打畀我講佢想呢班好勁嘅女人同埋我拍佢嘅廣告，確實吸引到我。我自從退出（模特兒工作）後一直都冇為內衣拍過廣告。」4大超模於上世紀90年代活躍模特兒界，更先後成為「Victoria's Secret天使」。退出模界後她們各有發展，Tyra和Heidi成為知名電視主持，而Candice及Alessandra就出自家泳裝品牌狂吸金。

另一方面，Kim與諧星男友Pete Davidson近日被指關係再進一步，有傳她陪伴男友飛抵美國紐約，男方於當地拍戲，順道帶Kim見祖父母。至於Kim歌手前夫Kanye West近日有傳將不會參與下周舉行的年度Coachella音樂節演出，暫時未知他退出的原因。