昔日東方菊梓喬箍牙變「刀削面」 唔係整容！
生肖屬虎的菊梓喬（Hana）今年犯太歲，聽從師傅指點去箍牙，她說：「佢話牙齒整潔，運程都會好啲，我本身好多爆牙，又唔想整假牙，同牙醫傾過決定箍牙。」她共要箍400多日，除了一日三餐，每日要戴22小時。她表示最初箍牙時，肌肉與頭扯到好痛：「個人又忟，頭兩日瘦到不似人形，塊面似扁咗！」又笑言不怕被誤會整容：「2日削到咁，好喎！我都覺得太瘦唔好睇，所以逼自己食番多啲嘢。」
她自爆疫情下曾發福不少，腰圍由21吋增至25吋，應肥的地方也肥了！她經常鑽研食譜，鍾意打邊爐的她最叻整醉雞湯底：「一、兩人分量好難整，所以我一煮就煮好多，然後速遞畀朋友試食。（有冇送畀緋聞男友吳卓羲？）冇喎！我諗佢唔鍾意食。（請佢食？）通常畀好Close嘅朋友。（佢唔Close？）佢大把嘢食啦！」雖然對方冇試過她的手勢，但Hana對他的口味卻好清楚：「佢哋呢啲演員對飲食好執着，唔食呢樣唔食嗰樣，我本身食得好肥膩、好重口味，費事累啲要Keep嘅朋友。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
