Fans追到長城！陳貝兒「女神」降臨 熟男送詩等收工

陳貝兒在《無》表現出色，帶挈她成為「感動中國2021年度人物」外，更獲委任為「廣州非物質文化遺產推薦官」，社交網話題閱讀量破7.6億，其短片App帳號更坐擁150萬Fans，風頭一時無兩！她透露日內將「再下一城」，啟動《無窮之路2》拍攝之旅，預計約2個月才竣工。談到去年曾深入懸崖峭壁體驗居民的窮困生活，她「劇透」指今次旅程將會更驚險，叫大家拭目以待。

據悉，自去年11月折返內地至今，她不停接獲各大節目的拍攝及訪問邀請，但由於《無2》開拍在即，未來所有邀請都要叫停，故近日趕忙「還債」，每天只有4、5小時休息。她透過長途電話受訪，聲音沙啞說：「係之前應承落嘅，唔想再拖人哋，惟有頂硬上完成埋。3月我冇放過假，去湖南、成都、廣州同北京拍咗4個節目，亦有大學邀請作學術交流，多謝大家支持。」

外傳她的身價幾級跳，約4個月保守估計已賺得7位數，「第1桶金」早已在手！對此她淡然說：「老土啲講，有啲嘢唔係金錢可以衡量，我都話唔到畀大家聽實際搵咗幾多，因為仲未埋單計數。」升呢「女神級」的她，早前在長城取景期間，竟遇上中年男Fans尾隨「示愛」，她說：「佢文青Feel嘅，只係企好遠咁望，等收工就送心意卡畀我，上面有佢創作嘅詩句。（唔驚？）冇嘢喎！同之前去採訪世界盃嘅球迷比較，佢已經好斯文喇！」