陳安立蝦碌求婚 年底娶林希靈

希靈多謝大家祝福，她指求婚過程搞笑兼蝦碌，相信一世難忘。她笑說：「佢約咗人布置，點知約錯時間，求完婚第二朝啲人先嚟，求婚之際，佢係咁問我有咩新年願望，原來佢想我講新一年做人妻，但我唔知咪講身體健康、世界和平之類，佢呆咗支吾以對拎戒指出嚟，我先知佢係求婚。」最爆笑男友想記錄求婚過程，但求完才知錄不到，他們已預訂了年底舉行婚禮和擺酒。