郭奕芯遭非禮報警

郭奕芯早前擔任網台節目嘉賓，大談「胸大的煩惱」：「夏天會着背心落街買嘢食，都好多人望住。有時做運動我會着Sports Bra，有次個健身教練同我講，話我一跳，個胸彈吓彈吓，真係超尷尬。」擁有33C上圍的她自爆曾有隆胸念頭。問到有否因身材好而遇上不快事情？她表示曾收過網民露骨私訊，更試過被非禮：「去Salon洗頭會放條毛巾喺心口，我Feel到佢隻手輕輕掂到我個胸。仲有一次係同男朋友喺酒樓食飯，有個男人行過掂我大髀，嗰下好嬲就同個男人理論，男朋友屋企人喺度，可能我男朋友覺得好失禮，問我有冇記清楚，個男人仲要講『你咁醜樣，點解要摸你？』」她稱當時有報警。