莫家淦北上前享家庭樂

即將北上發展的藝人莫家淦近日忙於收拾細軟，決定出售愛車，又爭取時間與妻兒享受家庭樂，他表示：「我帶咗一對囝囝去郊遊放電，事關佢哋困咗喺屋企差唔多一個月喇！嗰日我哋去睇孔雀、羊、鴕鳥，又玩咗繩索等等，我發現細仔比較大膽，佢敢攞住甘筍餵羊，反而大仔有啲膽怯，要企遠啲先得。」他又充當攝影師，為家人多拍照留念，即使北上亦有「信物」隨身，一解相思之情。