姜濤鋪路轉行 想學周潤發「隱居」

22歲MIRROR「人氣王」姜濤不只一次談論30歲前退休計劃，日前他接受加拿大電台訪問，坦言想法不變，想將最好的時光及表演留下來，然後過安靜的生活：「可能因為呢一行太唔安靜，除咗上舞台，我覺得其他嘢唔係好適合我，我未必會喺呢一行Stay得太耐。」他希望效法前輩周潤發的生活方式：「我覺得佢好好呀！住喺山上面，得閒落嚟拍吓戲。」又自言初入行時較天真：「身邊嘅人都話，愈入得耐愈放唔低，但我反而愈想放低。」30歲後，他可能轉行做演員或幕後工作。