「食腦3子」內訌 密謀踢走方紹聰

一直以來，3兄弟看似上下一心，但原來都曾出現內訌，矛頭直指奶仔。3人早前於九龍灣八百多呎的「食腦總部」接受訪問，何廣沛、郭子豪齊齊大爆奶仔「3宗罪」，包括「有離心」、「冇機品」及「龜速王」，其中最傷感情當然是「有離心」，原來奶仔曾想過「身兼兩職」出面再開多瓣，子豪則覺得此舉或會影響公司的聲譽，一度想踢走他，幸最終感性贏過理性，決定讓奶仔留低。

何廣沛亦補充，大家可以繼續行落去，最主要是奶仔肯坦白和知錯能改，他謂：「其實由初初合作到依家，佢出現嘅問題，都好快會改，而向外闖嗰件事，我同子豪諗過，如果我哋問佢，佢仲隱瞞嘅話，大家就冇可能再合作，但佢好坦白咁講晒出嚟。」現在雨過天青，3人繼續拍住上，兄弟情不變。