李思欣笑范振鋒放學變裝蒲機舖

藝人李思欣與老公范振鋒早前與網紅開KOL課程，獲教育界廣告商睇中，邀兩公婆拍廣告，思欣化身「李老師」，笑言重拾讀書回憶：「我讀書時嘅性格同依家好大分別，幼稚園時好百厭，成日過位撩同學仔，搞到被老師罰企，讀到中學先變乖啲，仲做埋班長！」並大爆老公讀書時非常百厭：「佢讀書都可以，但好曳㗎！為咗放學去遊戲機舖打機，佢會帶定一套便服，放學換咗衫就去玩。」