洪永城爆前度妒忌黃翠如 唐詩詠嫌疑大 晒閨蜜合照澄清

洪永城婚後生活美滿，兼有個似足他一樣百厭的「餅印」女兒。最近他接受林盛斌（Bob）主持的J2節目《人夫放假約出去滾》訪問，談到他與黃翠如的緋聞傳足多年，直至各自有另一半才終結，他說︰「嗰時拍拖嘅女朋友有少少擔心，話我同佢喺螢光幕面前咁夾嘅，問我哋有冇嘢！（你點話佢知呢？）我對佢冇，佢對我……就唔知喇！」

Bob追問洪永城可有一刻鍾意黃翠如？他靜了數秒後說︰「呢個答案可能會令到你覺得失望，冇！（真係好好嘅朋友、好兄弟？）冇錯，好肯定，真係冇！真係工作夥伴。（黃翠如都係一個靚女，唔係你鍾意嗰類型咩？）唔夾就唔夾，唔係佢性格有咩問題或者缺陷，但去到話女朋友，大家都冇呢種感覺。」Bob續指洪永城近年面對不少網民批評，當時的「最佳女朋友」唐詩詠可有支持他？他說︰「都有嘅，一齊去經歷，不過好可惜，始終好多嘢都有條刺，好難再修補創傷繼續行落去，冇緣分都冇辦法！」

而唐詩詠昨日在社交網上載與翠如的合照，語帶相關留言：「在人生旅途中，能夠遇上有人真心為你擔心，真心為你傷心，真心為你開心，真心為你付出的機會率是多少？幸運地，多年前我遇上了一段純真友情、不帶刺的，麻煩那位女生把帶刺的榴槤拿回來給我爸爸吃。」明顯否認是洪永城口中的「有刺前度」。