鍾柔美MV點擊衝破百萬 粉絲買燈箱廣告贈興

「聲夢學員」鍾柔美（Yumi）上月推出首支個人單曲《Breakin' My Heart》，MV內不乏其擅長的跳唱部分，近日更於網上平台突破100萬點擊，令她非常興奮。礙於疫情關係，Yumi未能與粉絲大事慶祝，不過深得粉絲疼錫的她，日前獲他們於鬧市買燈箱廣告祝賀，Yumi第一時間到場「打卡」，她表示：「雖然疫情少咗出街，但粉絲準備咗咁大份禮物畀我，當然要落去打卡，真係好多謝佢哋，仲有排舞老師同Dancers，希望之後我會有更多嘗試，同埋想快啲可以喺公開場合再表演畀大家睇。」