李施嬅錄音頻遇怪事

李施嬅首支個人單曲《相愛萬年》是新劇《金宵大廈2》插曲，她自爆錄音時發生不少怪事：「首次錄音我突然失聲錄唔到，到第2次錄音，錄音室樓上裝修又錄唔到，第3次錄音，我哋嘅唱片監製Davy無端端入咗醫院，聽到都有啲心寒！好彩第4次終於冇問題。我哋講笑咁講，感覺上好似《金宵大廈》喺度試緊我哋嘅誠意，入門要過兩關。好感恩大家好有心、好堅持去做好呢隻歌，希望大家可以透過呢首歌，對劇集有更深嘅感受。」