余思霆秘密返美做孝順女

久未感受過落雪滋味的她，日前於Outlet掃貨期間突然下大雪，即聯同媽咪及友人走出戶外感受一番，認真童心未泯，思霆更興奮得拿起手機拍片自娛一番，及後母女二人亦擇日走去滑雪，享受於雪上奔馳的快感。

對於今次難得的假期，思霆昨日受訪時仍難掩喜悅：「真係好開心，太耐冇見媽咪同啲朋友，咁啱滑雪之前落咗一場大雪，所以滑雪時感覺好好，其實今次我都拍咗好多片，之後會陸續放上平台，同大家介紹我成長嘅地方。（美國疫情仲好嚴重？）我嚟唔使隔離，當地亦冇強制戴口罩，所以只有50％人會戴，戶外基本上冇人戴添，但如果睇騷同某啲餐廳，就會要打針先可以入。」談到新工作，思霆透露早前與金剛合作的節目反應不俗，將拍住上再合作新節目，故返台後先進行隔離，待「出關」後即投入拍攝。