飛巴拉圭開騷 中途緊急降落 Miley九霄驚魂 飛機被雷劈爛

現年29歲的Miley最近在南美舉行巡迴騷，周二乘搭私人飛機由哥倫比亞前往巴拉圭首都Asuncion，準備出席《Asuncionico音樂節》，卻遭五雷轟頂，非常驚險！她在社交網上載於機上拍攝的影片，窗外有強光閃動，她更拍下飛機被閃電打爛的位置，睇見都牙煙！

報平安之餘，她宣布被迫取消巴拉圭演出：「我要向Fans同所有聽到我飛去Asuncion程機出事而擔心嘅人報告，我哋架機意外闖入一個預料之外嘅大風暴，被閃電擊中。同我一齊飛嘅工作人員、樂隊、朋友同家人，緊急降落之後都安全，不幸地，我哋未能飛到巴拉圭，我愛大家！」

Miley的家姐Brandi在社交網分享短片，邊飲酒定驚邊說：「我唔想誇張，但我哋差啲死，我哋因為被閃電打中，啱啱緊急降落咗喺唔知邊度，距離目的地200里，飲勝！」