黃智雯《隱娘》造型飄仙氣出關歎咖啡

藝人黃智雯上月底赴內地為金牌監製戚其義新劇《隱娘》開拍作準備，日前終於完成為期21天的隔離，正式出關到橫店劇組報到，她將與出爐視帝譚俊彥（Shaun）、楊謹華、秦嵐等好戲之人鬥戲，令人期待。智雯雖然僅開工短短幾日，但已被粉絲偷拍到拍攝情況，連帶劇中的唐朝服飾造型曝光！妝容淡雅兼造型樸素的她，盡顯溫婉大氣一面，即時迷倒一眾網友。

做好角色才重要

智雯首次演古裝，還未等及劇集開播，已獲網友大讚造型仙氣，絕對是意外收穫，她昨日受訪時笑說：「第一次試唐朝造型，我都好滿意，因為個妝容要好淡，為咗令皮膚保持良好狀態，我每日都要敷面膜。（習慣內地拍劇生活？）都OK，不過仲未碰到其他主演，其實今次係好難得嘅機會，可以同中港台出色嘅演員合作，相信係一個好寶貴嘅經驗。（粉絲見你喺演員名單排位後，戥你唔抵！）我覺得戲份唔係重點，係點樣可以做好個角色，相信係我嘅粉絲會戥我高興。」

而她日前「出關」後即去歎咖啡，由於內地疫情有點小爆發，所以只敢在酒店範圍附近閒逛，她說：「我有第一時間出去吸收新鮮空氣，不過做足防疫措施，只係飲番杯好正嘅咖啡同食餐好嘅啫！」