拍MV變搞婚禮？AK Alton碌人情卡 發「召喚錦囊」報恩

AK與Alton合唱的新歌《Rebound》月初推出，MV上架3周，觀看人次已超過240萬。今次是Alton首次半Solo出歌，並負責Rap詞創作，他感激AK促成今次合作，令他如願以償：「首歌係喺我啲血唧出嚟，無論音樂風格、舞蹈方面同歌詞內容，都係我好愛嘅。」AK本身對Rap有興趣，但就不太擅長，他說：「初時有諗同Alton一齊寫，但太難，寫幾次都唔係好中，最後交咗個重任畀佢。」

新歌MV有多位歌手參與拍攝，AK坦言因人數眾多，流程上難以控制，出現超時情況，Alton亦表示心理包袱很大：「要其他歌手等埋位，覺得好唔好意思，但佢哋話『你哋係主人家，Enjoy！』我有一刻以為自己同AK結婚！」他們指參演歌手全屬義務性質，可謂碌盡人情卡，揚言將來一定會找數：「佢哋想點就點啦！佢哋好似有個錦囊咁，需要時打開我哋就會出現，咩要求都得！」

Alton之前自嘲存在感低，家人更以為他已退團，今次難得出新歌，家人都替他開心。問到會否想推出個人作品？他坦言：「想！做藝人一定有追求，唔好怕食檸檬，有想法同公司講，做人太被動會死。」

另外，MIRROR入選ViuTV《CHILL CLUB推介榜 年度推介21/22》的「年度組合」入圍名單，其他入圍單位包括Twins、C AllStar、ERROR、艾粒、P13XL及MC $oHo&KidNey。大熱的MIRROR前晚開直播時，卻聯同其他組合齊齊為C AllStar拉票，On仔即笑言是「C AllStar造勢大會」，並指作為已出道12年的前輩，已收到了各人的心意。