尼古拉斯喪接戲 終還清欠債

曾有逾11億港元身家的美國影帝級男星尼古拉斯基治（Nicolas Cage），因大花筒搞到周身債，欠美國稅務局近5千萬港元，他接受雜誌訪問時透露1年半前已還清債務。他談起低潮說：「當時我畀一堆債主同稅務局追，又要一個月喺阿媽身上花約15.6萬港元，等佢唔使被送入精神病院，而我畀唔起……好多事同一時間發生。」他指身邊人勸他申請破產，但他拒絕，並開始狂接低成本電影搵錢，他說：「當我一年拍4部片，一部接一部，我仍然要搵到一啲位令我全情投入去做。有啲片好正，有啲片唔得，但我從來冇揸流攤。如果其他人有個誤解，就係呢一點，以為我唔理質素就做，我係有理到嘅。」