梁漢文北上搏殺 剪個靚髮

梁漢文去年於內地人氣急升，年初曾返港一轉，原來近日已返回內地，身在上海的他剛完成21日隔離加3日2檢的居家沉思，終於可以出關了，他第一時間去剪個靚髮，他說：「個幾月冇剪過頭髮，好似擺咗舊髮菜喺個頭上面咁。」去年完成了4站巡演，廣州會開Part 2，他說：「因為一定要人到咗先申請批文做騷，雖然疫情依家可能延後，但都要上嚟準備。」今次太太亦有同行作伴。