谷祖琳「父女」嗌交鬧到喊

女星谷祖琳最近頻頻於ViuTV亮相，分別擔任節目《打開你雪櫃》主持及參與劇集《940920》演出。累積了10年開餐廳經驗的她，日前接受本報訪問時，透露會把經營餐廳學懂的「備課」知識帶回家：「所以有啲Tips喺節目分享畀大家，可以好快煮到飯，平時我都係開雪櫃有咩材料就煮，會諗好多菜式出嚟，最叻整芝士龍蝦！」她指平日有與家人一起下廚，問到兩個女兒可有下廚天分？她表示細女較喜歡煮，大女反而鍾情音樂，還破天荒為《打》包辦主題曲作曲及主唱。