買埋婚戒 今年拉埋 鄧卓殷晒婚紗照 郭子豪撲水見暈

現年30歲的無綫大隻仔郭子豪，與前港姐亞軍鄧卓殷（Amber）由2020年拍拖至今，一向恩愛，更有意今年拉埋天窗，男方已買定戒指，誠意十足。結婚當然要使錢，近月子豪瘋狂為其主理的網台接Job，積極搵「老婆本」，日前他忙完網台工作，即為無綫綜藝節目開工，節目內需要抱起大隻佬，令嚴重休息不足的子豪體力不支見暈，需要坐埋一邊休息。

子豪搏命搵錢，Amber亦努力工作，近日經常拍片放上社交網，期間忍不住「洩蜜」，日前她晒出婚紗照，配上文字「An Exciting Project is Coming」，似是在講工作，但原來有弦外之音，隨時嫁得！

記者就結婚一事致電子豪，他承認確有結婚打算，至於是否已買戒指預備求婚，他為保神秘笑言：「呢啲遲啲同大家分享啦！」子豪指父母很喜歡Amber，女友亦很懂得氹其父母開心。問到最愛Amber甚麼？他大講肉麻宣言：「跟對方已是『共同體』，二合為一，不能分割，亦感激對方在我的創業路賦予無限量支持！」

他又表示近日支出甚多：「一個有承擔嘅男仔，拍拖咁耐都會朝住結婚方向諗，買戒指又係使費、求婚又係使費，係要有啲計劃。」