日裔女星Karen 美國遭種族襲擊 扑頭

超英片《自殺特攻：超能暴隊》（Suicide Squad）美籍日裔女星Karen Fukuhara於社交網站透露，日前於美國被種族襲擊，她表示：「今日我畀一個男人打頭（我冇受傷），呢樣嘢唔應該繼續。我哋女性、亞裔同長者都需要你哋幫忙。我好少分享私事，但今日發生嘅事係重要。當時我去咖啡店買咖啡，有個男人無啦啦打我個頭後面，我哋之前冇眼神接觸，我冇做任何特別嘢。我嚇咗一跳，頂帽都飛走埋。當我回頭時，佢已經喺幾呎之外（佢實係打完我就開始走）。我開頭想同佢對質，但佢走埋嚟凶我，我就覺得唔值得。我哋對望咗幾秒，佢大聲鬧完我之後就走咗。」