無綫劇集復工 郭晉安匿埋食飯

無綫因疫情嚴重，之前除了劇集《愛．回家之開心速遞》外，所有劇集拍攝停工至本月20日，再另作通知安排。而本報收到消息，多個劇集《回歸》、《曙光》、《輕．功》及《破毒強人》等分別於下周一開始陸續復工，《回》劇主角郭晉安受訪時說：「既然公司叫開都要開，惟有自己小心啲，排戲都唔會除口罩，正式拍時先會除低，食飯都唔會一齊食喇，自己買個飯盒匿埋一邊食囉！返到屋企自己都會勤力做檢測，盡量做好預防措施！」同樣是《回》劇的陳嘉慧之前「中招」已康復，她坦言隨時準備開工。