顏值不及家姐Gigi 將勤補拙 Bella反口認整容 後悔隆鼻

多年來Bella屢傳整容，有指她曾帶同法國前第一夫人兼歌手布魯尼（Carla Bruni）的照片去見整容醫生，要求整成對方個樣，當時Bella嬲爆否認，更叫人用電腦掃描她的面孔，檢查有否「加工」。

不過，不認不認還須認，最近她在雜誌訪問中，承認年少時整過容：「我希望保持住遺傳落嚟嘅鼻，我應該由得佢成長，因為之前有張我年少時包包面嘅相流傳，所以啲人認為我整X禍咗塊面，我幾肯定大家都唔會似自己13歲嗰陣個樣，係咪？」她自爆14歲那年走去隆鼻，但強調永遠沒有在面上做過填充物注射（Filler），但不會反對其他人咁做。

另外，她又自認不及模特兒家姐Gigi Hadid靚，她說：「我係姊妹之中醜樣嗰個，我擁有深色頭髮，唔及Gigi有型同好動，啲人係咁樣講我，而好不幸就係當你多次被人咁講，你只會相信佢……啲人可以講任何關於我外表同言行嘅嘢，但冇人可以話我唔辛勤工作，我過去7年從未錯過或取消工作，而我開工時亦從未遲到過！」