Kanye唔收口 Kim嬲爆反擊

美國饒舌天王Kanye West連日來在社交網「連珠炮發」批評真人騷女星前妻Kim Kardashian的現任男友諧星Pete Davidson，前日他又在社交網繼續發文，因而激嬲前妻留言反駁！

Kanye公開3個分別是他、Kim及異形頭像襟章的照片，並留言：「呢個係上周我獲『批准』見女兒時喺佢背囊上見到......」批評前妻禁止他見子女。而Kim即留言回應：「請停止呢種敘述，你今朝咪喺度接仔女返學囉！」同一晚Kanye批評《OK》雜誌對此事的報道，雜誌以「Kim就Kanye有關子女的狂野言論不再做好人」作為標題，他留言表示不滿：「好喇，《OK》雜誌你話嘅『狂野言論』即係咩意思？」之後他繼續狂呻指子女日前不獲准出席他舉辦的主日崇拜，更直言自己頭家已散晒！