25歲女驚患「老人病」 「Bieber嫂」Hailey疑中風 送院搶救

加拿大天王Justin Bieber妻子Hailey Baldwin，上周四突然出現類似中風症狀，行動能力大受影響，被緊急送到加州棕櫚灘一間醫院。

幸好Hailey大步欖過，於社交網站分享經歷：「喺禮拜四早上，我同老公坐喺度食早餐，我開始有中風症狀，之後被送到醫院。佢哋發現我腦部有個小血塊，導致輕微缺氧，但我身體自然回復到，幾小時後已經完全冇事。雖然呢個絕對係我人生其中一個最得人驚嘅時刻，但我依家已經返咗屋企，情況好好，我好感恩、好多謝所有照顧我嘅醫生同護士！多謝大家送畀我嘅祝福、問候、支持同關愛。」

由於Hailey只有25歲，照理比較少機會出現老年人中風情況，醫生還在研究起因。其丈夫Justin數周前確診新冠肺炎，因此押後於美國拉斯維加斯舉行的演唱會，其後康復，但未知有否傳染給老婆；而腦部出現血塊亦有可能與新冠肺炎併發症有關，Hailey已接受多項測試，正等待報告。