謝安琪生日收張繼聰大禮

歌手謝安琪（Kay）昨日45歲生日，以往她生日曾被老公張繼聰「借過橋」，借送生日禮物為名，實則買嘢益自己，早前她仍耿耿於懷出Po暗寸，不過今次生日，老公就有心思得多，見Kay曾大呻疫情期間冇得做Gym，張繼聰竟然送上一大座健身儀器，更親自充當其健身教練，非常有誠意，一招就冧掂老婆，Kay表示：「我今年收到一份好重分量嘅生日禮物，再次令我思考人生，同埋喚醒我蠢蠢欲動嘅肌肉，好多謝呢個人，除咗成為我人生教練，仲客串做埋我健身教練，跑步嘅時候仲以迷戀嘅視角，幫我影相拍片，每日剪埋好多搞笑片氹我開心，令到本來鬱悶嘅日子，增添好多好多意思。我會好好運用呢份生日禮物，希望好快會變成健美又招積嘅安琪小子。」