囡囡幫手化妝 鍾嘉欣秒變Elsa

藝人鍾嘉欣與大女Kelly母女情深，近日孖公仔拍片互相化妝，Kelly年紀細細已識化妝，更有私家化妝盒，夠晒專業！見她幫媽咪化上湖水綠色眼影，用色相當大膽，連嘉欣都嚇一嚇，忍唔住說：「你係咪諗住將我變成Elsa（動畫《魔雪奇緣》中的公主）？」Kelly更「細心」地連眼袋位置亦上色，想不到效果出奇地好，之後再搽上唇膏及畫眉，嘉欣略加修飾已很不錯，她滿意地說：「佢幫我化呢個Elsa妝，我覺得都唔錯，唔差，我都畀佢Pass！」而她則為囡囡化上淡妝，但嫌囡囡化妝後太成熟，覺得唔化妝最靚！