健達人：關楓馨彈性斷食時間唔係愈長愈好

被譽為「最索星二代」之一的關楓馨，參選港姐期間減了13、14磅，整個人瘦了一圈，原來她試過不同減肥方法：「初頭想快就斷食，18、20個鐘唔食嘢，每日只食一餐，但維持唔到好耐，成個人好冇力。問過意見決定唔斷食咁長，改為14、16個鐘唔食，因為我食素，所以每日食菜、豆腐、牛油果同埋好飽肚嘅番薯，番薯係嗰2個月唯一食嘅澱粉質，煮嘅時候仲要唔好落油鹽糖。」

她認為減肥最緊要是找到喜歡的食物，加上運動就事半功倍：「選完美都要Keep，但唔可能咁嚴謹，一星期都會同朋友出去食2、3次飯，喺屋企煮就食番薯同菜，我真係鍾意食菜，所以唔會厭同辛苦，運動就怕悶，唔會跑步，會去打拳同行山。」

餐單

早餐：一個番薯

午餐：不同種類蔬菜如茄子、菇、

沙律菜、南瓜等，不加油鹽糖

零食：蘿蔔、黑豆