無綫「半閉環式」工作 《愛．回家》做先鋒

無綫企業傳訊部總監黃德慧昨日受訪，指無綫正計劃「半閉環式」工作間，讓員工自願參與：「我哋係想同事感受吓，若果將來真係需要『閉環式』嘅時候係點運作，同埋畀我哋預吓人手，依家有過百同事話會參與，《愛．回家之開心速遞》、《東張西望》會行先，至於細節仲傾緊，但電視城絕對有足夠設施畀大家，我哋有休息區同沖涼設施，人事部會安排買睡袋等，公司每日亦會深層清潔。（停廠係咪會蝕錢？）梗係唔會，因為我哋有3、4個月存貨，亦有好多海外同事，好似王祖藍喺內地，甚至台灣、泰國都有人手，根本唔會有乜嘢停廠蝕錢嘅問題！」而無綫總經理曾志偉，則叫大家用一種出埠拍戲的心情作好準備。