電影評論學會網上頒獎 謝霆鋒代領導演獎 難忘陳木勝4字真言

早前已公布得獎名單的《第二十八屆香港電影評論學會大獎》昨日透過網上錄播舉行頒獎禮，大會先播出10套推薦電影包括《怒火》、《手捲煙》、《濁水漂流》、《殺出個黃昏》、《除暴》等的領獎片段，當中英皇電影《怒火》由男主角謝霆鋒代表領獎，他說：「《怒火》對我嚟講係一部好典型嘅香港動作電影，亦可能係呢個類別嘅最後一部，因為陳木勝拍完呢部就離開咗我哋，好少人會咁樣單對單、好人對壞人去做Ending，最原汁原味嘅Hong Kong Action，《怒火》算係其中一部。」

已故導演陳木勝亦憑該片勇奪「最佳導演」獎，霆鋒代表其太太發言：「Benny（陳木勝）導演一直追尋緊佢心目中嘅完美電影夢，希望佢呢份堅毅、不屈不撓精神，可以感染同鼓勵大家繼續向前，堅持自己嘅夢想，活出精彩，永不放棄。」霆鋒又談到導演曾給他「4字真言」： 「Benny導演寫咗『堅守信念』畀我，細個唔明白箇中意義有多重，相識20年到佢離開後，4個睇落簡單嘅字，原來係咁難做到。」

英皇藝人劉雅瑟憑《智齒》贏得「最佳女演員」大獎，她透過短片說：「感謝評論學會頒獎給我，鼓勵對我非常重大，這份榮耀一直會放在心中，我會努力做好一名演員。」而憑《殺》片奪得「最佳男演員」的謝賢透過錄音說：「多謝大家，我好開心得咗呢個獎。」

另外，英皇電影《除暴》榮獲推薦電影獎，身在北京的導演劉浩良及製片人梁琳接過獎座，並再次多謝英皇電影老闆楊受成，又指電影拍甚麼題材也不緊要，最重要知道自己在做甚麼。