爆金句愁「觀眾鬧」 張敬軒送早餐上門 請劉俊謙教戲

ViuTV新劇《940920》不停派「彩蛋」，接連有神秘嘉賓客串，繼蘭茜飾演劉俊謙姨媽後，前晚播出的一集更有張敬軒亮相，令觀眾相當驚喜。

「早餐界KOL」張敬軒出場亦離不開「本行」，劇情講述他送早餐到劉俊謙家中，邊叫對方為寫真集撰寫圖片說明賺外快，邊食賣相靚靚的早餐，畫面相當過癮。軒仔看過劉俊謙撰寫的小說初稿後連珠爆發：「好有懸念，之後呢」、「其實唔係好睇得明……」劉俊謙表示「爛唔爛尾好主觀」，軒仔即表示：「唔係呀！啲觀眾鬧呀！」明顯是導演有意借「皇上」的金口幽默一番。

對於今次客串演出，軒仔透露與劉俊謙雖然是初次見面，但有很多共同朋友，所以一見如故。他坦言甚少拍劇，故略為緊張，笑言要請劉俊謙指教：「因為電視劇同舞台劇好唔同，所以都有問劉俊謙可以點樣做得更好。佢有話我聽劇集個節奏同Energy應該係點。」他指今次的角色對白有好多專有名詞，難度不小，笑言希望導演「收貨」。而劉俊謙表示十分喜歡軒仔，開玩笑指自小聽他的歌長大，事前特別期待首次合作！