陳庭欣鬧爆殺「鸚」兇手

陳庭欣前日在社交網上載一張「無辜小鸚鵡被殺害」的新聞截圖，內容指近日一名女設計師報案，指其單位內飼養的鸚鵡，被醉酒男友掟落地慘死！身為愛雀之人的陳庭欣非常心痛，發文直指兇手冷血：「尋日我收到朋友小鸚鵡突然離世的消息，令到我感到非常愕然。知道事發過程後，我非常憤怒，同時非常痛心！呢啲咁殘酷虐待小動物嘅情景真係唔應該出現！睇番電梯內CCTV片段，佢當小鸚鵡係個波咁，拳打腳踢致死，呢啲係咩人先做得出？我朋友同小鸚鵡生活超過10年，感情猶如親人一樣。我非常擔心朋友，因為佢要面對這一切，希望大家可以畀多啲正能量支持佢。無論點我哋都唔應該傷害小動物，希望大家好好愛護小動物，唔好容忍任何殘酷虐待動物的事情發生，施虐者亦都應要得到相應的懲罰。」