昔日東方娛美人：「90後女神」跳入大染缸 倪嘉雯夠定力拒去飯局
「90後女神」倪嘉雯（Carmen）入行2年，坦言家人也擔心她加入被視為「大染缸」的娛樂圈，但她卻對自己的定力充滿信心，向家人派定心丸。她自爆有收過邀請出席飯局的短訊，但立即「落閘」拒絕：「都收過短訊叫我去飯局，話有個飯局想請你嚟食餐飯，幾多錢，有冇興趣呢，我馬上就Block咗佢，所以屋企人可以唔使擔心。」
入行後Carmen以旁聽生身份修讀無綫訓練班，第一次演出就是新人搖籃處境劇《愛．回家之開心速遞》，首日開工已令她一世難忘：「乜都唔識，好驚，好記得大小姐（林淑敏）走過嚟提點我，佢真係超級好人，令我覺得呢行啲人好好，呢件事我會記一世。」後來她機會愈來愈多，包括演出劇集《換命真相》、《白色強人II》及《凶宅清潔師》等，在《換》劇扮演少女劉佩玥更跑出受到注目，原來她亦演過陳煒、龔嘉欣等的年輕版，認真是天生明星相！
想一拍拖就結婚
中大畢業的她自嘲讀書時反應遲鈍，雖然有追求者，但卻往往慢半拍錯過，她笑說：「自己觸覺好遲鈍，講到好明我先知想追我，如果唔啱，都會即刻落閘。」樣子甜美的她竟然只拍過一次拖：「好想一拍拖就結婚，自己概念好奇怪，覺得拍拖、又分手、又傷心，好嘥時間，如果拍拖唔係諗住結婚，咁不如唔好拍，所以依家都仲係單身囉！」雖然Dry足4年，但她不心急：「如果搵到個對象覺得會同佢結婚，就會想拍拖嘅，都好難，所以都好佛系，緣分到就出現。」
本文連結 : https://orientaldaily.on.cc/content/娛樂/odn-20220306-0306_00282_061/娛美人：「90後女神」跳入大染缸--倪嘉雯夠定力拒去飯局
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
