陳瀅自嘲肥 搵唔到替身

談到劇中槍戰連場，陳瀅透露事前用了一整天學開槍，談到拍得最辛苦的場口，她表示是潛入豪宅一幕，除了因為戲服非常性感，還因為很多動作場口要親自上陣，她更暗踩自己偏肥：「我呢個身形得我自己有，因為通常替身都好瘦，所以唔得呀，好多動作自己做番！最深刻係要着住好高嘅高踭鞋，仲要好快咁跑兩條街。大家叫我唔好跌，如果扭親就唔知點算，我惟有搏老命咁跑，好彩最後冇扭親，真係唔容易！」

身為「視后」的思貝笑說拍槍戰戲拍到慣晒，又直認拍攝動作場面讓她感到挫敗：「佢哋要求我做得乾淨俐落，但我覺得自己做得唔好。」但亦留下不少難忘回憶，她續說：「好似有場商場戲，要短跑100米衝過去，之後打觔斗，再起番身對住上面射槍，個攝影師揸住部攝影機陪我跑，好似打機咁！」而姚子羚反而被談情戲難到，她表示因與吳卓羲太老友，笑指拍感情戲時特別辛苦。