任性Jessica挺大肚行山

組合Super Girls成員蔡明思（Jessica）懷孕近9個月，曾表示囡囡可能於復活節出世，腹大便便加上疫情嚴重，她都多了留在屋企不會四圍走，依家只可以得閒Post舊相等BB出世。早兩日她就Post過自己去年去行山的相，話自己之前大住肚都仲會行山，不過去到8個月開始乖乖聽話多加休息，冇再上山。不過轉個頭，她就晒出佗住巨肚着Sports Bra的相，雖然已經在外面加多件外套遮肚，但孕肚依然凸晒出嚟，她還說自己依家好少出街，只可以行吓樓梯、做吓Squat來Keep身材，果然真係靚媽唔易做啊！