遭冒名開社交網陳山聰：佢呃人點算？

經常透過社交網與粉絲互動的陳山聰，近日被人冒名開設帳戶，代山聰逐一回答粉絲問題，更試過私訊粉絲撩吹水，雖然內容只是答謝形式，但仍逃不過粉絲法眼，將此事告知山聰。為防會出現更多「受害者」，山聰於限時動態開Po，將「偽山聰」的戶口首頁截圖，指假冒帳戶將「陳山聰」寫成「陳山從」，其餘簡介則與真版相同，幾可亂真。

山聰昨日受訪時表示非首次被人假冒：「聽講佢唔可以寫我真名，否則好似可以告發。當初因為我發現喺社交網一個Po，有人用呢個Account回答我粉絲，入去先知係假帳戶，好彩社交網有個舉報功能，冇耐之後呢個帳戶已經被封鎖。作為公眾人物冇計，所以知道時會盡量話畀大家知，唔理佢目的係乜，今日拎嚟回答粉絲，他朝拎帳戶去呃人點算？」