祝文君肺癌病逝 終年55歲

藝進會永遠榮譽會長、女藝人祝文君因病離世，終年55歲，據知她因不敵肺癌在家中去世，圈中好友無不感難過，鄧英敏指從未聽聞她患癌：「收到藝進會消息先知文君與世長辭，屋企人一直喺身邊陪伴，好安詳冇痛苦中走完佢一生。」黃澤鋒透露去年與對方合作劇集《拳王》時亦不覺有異樣：「我哋識咗好多年，諗唔到咁後生就走咗。」同樣與文君相識多年，最近合作劇集《親親我好媽》的黃智賢說：「收到佢離世消息好突然，真係唔知講咩好。」無綫電視發新聞稿悼念祝文君，向其家人致以深切慰問，表示會提供適當協助。