After Class自爆讀書成績 炎明熹冇科叻 護士夢難圓

炎明熹（Gigi）、姚焯菲（Chantel）、鍾柔美（Yumi）及詹天文（Windy）合組的女團After Class，前日到電台接受鄭裕玲訪問，暢談在學校的讀書成績，她們目標一致想考到大學，Gigi承認讀書成績不是特別好，她說：「以前覺得想似媽咪咁樣，去做護士幫助其他人。」但報讀護士競爭激烈，好成績是不可缺少的條件，她坦白說：「我發現連嗰個水平都揩唔到，非常之尷尬。（邊科最叻？）應該冇一科係最叻，最差係數學。」不過她會盡力去讀，絕不氣餒。

Chantel跟Gigi一樣數學科最差，最叻是科學，她指讀書成績平均有7、80分，笑說：「畀數學分拉低咗。」而Yumi則自問還可以，她說：「接受到，冇邊科特別叻，但覺得依家揀錯科目，都考慮緊轉科。」而她對做生意好有興趣，將來想幫屋企人打理生意，她說：「喺呢個圈唔知將來可以行到幾遠，我屋企人係開髮型屋，都知佢哋辛苦，將來都想幫手。」修讀商科的Windy則說：「成績係中等偏高，我都有補習㗎！」

4女年紀輕輕，演繹歌曲時卻要表現得較成熟，既沒有拍拖經驗，只好靠幻想搭夠，Gigi說：「聽多啲其他歌手嘅唱法，有時都要靠模仿。」她們灌錄《要為今日回憶》用同一個Key，但就要減去個人特色，Gigi說：「好似我嘅歌有啲哭腔，但錄呢首歌時就唔可以用呢個腔去唱。」