林宣妤滯留馬來西亞 Staycation歎世界

林宣妤今年1月初到馬來西亞參加家姐婚禮，因航班取消而滯留當地，日前終順利返港，正在酒店隔離，她說：「初時都擔心回港無期，前後留咗喺馬來西亞2個月，唔想耽誤或影響拍攝，唯一開心係可以喺馬來西亞過埋農曆新年。」她偕家人入住當地一個偏遠的度假村Staycation，輕輕鬆鬆游水、打沙灘排球、踩單車及玩小型賽車。她又跟隨家姐去畫展，並上了一個為期3日的掃描課程，學懂繪畫基礎。此外，她為家姐開設的婚紗禮服店影宣傳照，穿上一襲藍色低胸晚裝，美好身材盡現，吸引不少途人圍觀。