《愛．回家》唯一復拍「大小姐」林淑敏唔擔心

無綫幾乎全部劇組繼續暫停拍攝，只有每日為大家送上歡樂、演員甚有使命感的《愛．回家之開心速遞》劇組依然開工。今日會拍攝廠景的「大小姐」林淑敏昨日受訪，被問到會否感到有壓力及擔心時，她說：「我唔擔心嘅！因為我哋入廠前都會做測試，確保係陰性，影埋相通知劇組同同事，都知道呢幾日錄影廠有做消毒，我哋都有社會責任，希望可以堅守崗位，拍啲好節目畀觀眾睇。」

而「熊尚善」滕麗名昨日受訪時表示暫時未收到通告，她說：「咁當然處境劇會比其他劇緊張少少，始終每日要出街，我幾時開番工仲未清楚，相信公司會畀一個安全嘅工作環境我哋。」而《愛》劇監製林建祥則表示現時劇集尚有存貨，暫時會嘗試復工，但盡量減少拍攝場次及每場人數，未來亦會視乎情況再決定是否停廠。