張松枝確診呻無助 匿房自我隔離

疫情肆虐，娛樂圈已出現多個群組，藝人張松枝昨日上載快速測試呈現確診的照片，無奈寫道：「我只能自求，因為你個電話打唔通！」更揚言有生之年應該打不通衞生署衞生防護中心的電話。昨日他受訪時氣若游絲：「情況好似感冒咁，依家自己喺房隔離，唉！都唔知點，希望2、3日冇事，依家食緊退燒止痛藥，暫時微燒。（擔唔擔心小朋友？）好難講，我中，個個都大機會中，避唔到，唔好話我個仔，我覺得全香港人都避唔到㗎喇！」