非男士「專利」 周秀娜扭計要食軟飯 被黃宗澤寸命硬

周秀娜（Chrissie）近日與黃宗澤（Bosco）拍攝新劇《疊影追擊》，即使連日來氣溫多數於10度以下，但仍於嚴寒下頂硬上開工，為免空檔時齋坐捱冷，他們便搞搞新意思，排排坐自拍一條算命搞笑片，並放在社交網與大眾分享。

片段開始時，Bosco表示要為Chrissie算命，她卻忍不住揶揄：「有求冇應黃大師！」之後Bosco追問她最大志願是甚麼？沒料Chrissie說出驚人答案：「我最大志願要食軟飯。」Bosco聞言仍不動聲色，一臉認真模樣屈指一算，接着表示：「我幫你算過，你條命太硬，唔使旨意。」Chrissie聞言即「交戲」扮晴天霹靂，還激動得扭計大嗌：「我唔制，我要食軟飯，我唔制，幾時先有軟飯食，你躝呀！」Bosco也無奈指連睇相佬也幫不到忙，非常抱歉。

之後輪到Chrissie禮尚往來，嚷着要為Bosco算命，並表示：「我屈指一算，你條命都好硬。」不過此時Bosco卻搞笑說：「所以我唔食飯。」此言一出，令Chrissie笑到掩面，及後更於短片留言：「天氣咁凍，飯要趁熱食，唔要『飯冰冰』，軟飯秘笈，拍攝失控日常。」搞笑非常。