遇好男人 唔排除閃婚 姚子羚拒用交友軟件 怕被騙財騙色

入行約20年的姚子羚近年事業愈戰愈勇，穩佔無綫一線花旦席位，近期更接演不同戲路的劇集如《鐵拳英雄》與《飛虎3壯志英雄》，工作上不斷尋求突破，她說：「希望可以演多啲唔同角色，《酒店風雲》、《張保仔》之後都好耐冇做過奸角，想有機會再挑戰奸角，可以多啲發揮機會。」

事業順利、感情空白的子羚不經不覺踏入「4字頭」，她笑言：「自己都唔覺原來已經40歲，多謝大家話我唔似。心態上冇框框，最緊要係個心點諗，工作上只要有心有力，想做就冇年齡限制。」感情方面，她坦言「隨時準備」，但要看緣分能否遇到合適的人：「感情係唔到你着唔着急嘅一樣嘢，有時都想身邊有個人，開心、唔開心都可以有人分享，想有個膊頭挨住、有個依傍。」

提到時下不少人利用交友軟件結識異性，但卻不時發生「網上情緣」騙案，子羚求穩陣，情願靠朋友介紹找尋伴侶：「最緊要係眼緣，我係感覺型嘅人，鍾意比我強嘅男仔，呢幾年又覺得男仔孝順好重要，對父母好，將來對家庭都唔會太差。」她笑言這個年紀未能有太多計劃，若遇到對的人不排除閃婚：「去到呢個年紀，冇得計劃咁多，唔會再諗呢啲，就算有BB先結婚，都係先後次序問題。」